Mikel Torres, bere Saileko arduradunekin batera, ULMA Taldearen egoitza nagusian bildu da gaur goizean.
Lan-bileran hainbat gai interesgarri jorratu dituzte, eta aukera izan dute gure proiektu sozioenpresarialaren bilakaera bertatik bertara ezagutzeko eta egungo egoera eta etorkizuneko erronkak partekatzeko. Lehendakariordeak “ULMA Taldearen lidergoa eta etorkizuneko erronkei aurre egiteko berrikuntza proiektuen aldeko apustua” azpimarratu ditu. Era berean, ULMAren tokiko errotzea azpimarratu nahi izan du, baita talentu berria erakartzeko eta atxikitzeko egindako lana ere.
Bileraren ondoren, lehendakariordeak eta bere taldeak ULMA Medical Technologies bisitatu dute, adimen artifizialean eta osasunean oinarritutako gure enpresa-sustapena. Bisitak ULMA Handling Systems-en egoitzan jarraitu du. Ingeniaritza intralogistikoa garatzen duten gure Negozioan, ingeniaritza intralogistikoko proiektuak diseinatzeko eta ezartzeko prozesuak zehatz-mehatz ezagutzeko aukera izan dute. Lehendakariordeak ULMA Handling Systems logistika automatizatzeko enpresa eredua nabarmendu du.
ULMA bisitatu ondoren, Torresek adierazi du pozik dagoela “kooperatibismoak hazten jarraitzen duelako eta Euskadi munduko erreferente izaten jarraitzen duelako ekonomia sozialean, horrek esan nahi duelako enpresa eredu bat izango dugula baloreekin, ekiten dakitenak, arriskuak partekatzen eta etekinak banatzen dakitenak”.