Brasilen, Cuiabá ibaiaren gainean, zubi berri bat eraikitzen ari dira jarraikako egitura irtenetan, Várzea Grande Lakuaren Parkea eta hiriburuko Atalaia Parkea lotzeko. Erronka nagusia izan da ibaiaren nabigagarritasunari kalterik ez eragitea edo hura ez etetea.
“Proiektu honen baldintza nagusia Cuiabá ibaiaren nabigagarritasuna babestea zen, Brasilgo Itsas Armadaren jarraibide guztiak errespetatuz. Zubiak 390 metroko luzera, 240 metroko argia eta 120 metroko bide nabigagarria ditu, erdiko baoarekin bat datorrena, eta kontuan hartu dira Brasilgo Itsas Armadaren eskumenak”
adierazi du Luiz Armino ingeniariak, Rivoli eraikuntza enpresako obra ingeniariak.
RIVOLI enpresaren ustez, eskualde horren garapen ekonomikoa sustatzeaz gain, proiektua gauzatzeak Cuiabá eta Várzea Grandeko hainbat errepideren zirkulazioa arinduko du, gaur egun gainkargatuta baitaude. Gainera, Marechal Rondon Aireporturako sarbide berri bat sortuko du, eta bi hirien arteko desplazamendu denbora murriztuko du.
Horrelako lan batean, baina, erronka askori egin behar zaie aurre. Ingurumeneko eraginak eta lurraren gaineko apeoak erabiltzea saihesteko, Cuiabá ibaiaren gaineko zatia ULMA Constructionen CVS aurreratze orgekin egiten ari dira. Ekipo horrek aurreratze hidraulikoko sistema bat du, eta murriztu egiten ditu beharrezko eskulana eta gauzatzeko denborak. “RIVOLI eraikuntza enpresak jarraikako egitura irtenen soluzio hau aukeratu du 120 metroko baoa gainditzeko, produktibitatea handitzeko eta ezarritako kronograma ahalik eta denbora laburrenean betetzeko”.
1,5 eta 5 m arteko luzera duten dobelak egiteko CVS aurreratze orgak erabiltzeaz gain, ULMA portafolioko beste produktu batzuk ere erabili dira pilak eta beste egitura batzuk gauzatzeko, hala nola COMAIN eta ENKOFORM enkofratuak, T-60 zinbria, BMK kontsola igokariak eta profil metalikoak.
“ULMA ekipoen segurtasunak produktibitatea dakar obran, eta murriztu egiten du proiektua gauzatzeko denbora. Gaur egun, ULMAren eta RIVOLIren arteko lankidetzak oso hurbiltasun maila handia lortu du. Zailtasun tekniko bat dagoenean, ULMArekin harremanetan jartzen gara, eta azkar erantzuten digute; horrek gure ekoizpen prozesua errazten eta arintzen du”
gehitu du Arminok.
Informazio gehiago behar izanez gero, ikusi proiektuaren bideoa.